你嘅資料會點
下面每一句都對得返程式碼。
你交俾我哋乜嘢
- 唔使俾網上銀行密碼，我哋唔會連你嘅銀行。
- 唔使。你自己喺網上銀行下載 PDF 月結單，再上載嚟呢度。
上載嗰一刻發生乜嘢
- 月結單喺我哋伺服器用固定銀行模板讀，唔會自動交俾外部 AI。
- 上載嗰陣唔會入賬，每筆都你確認咗先入，一鍵確認之後都可以復原。
- 期初加減對唔到期末嘅月結單，唔會入賬。
放喺邊
- 放喺我哋管理嘅伺服器同資料庫入面。上載嘅 PDF 喺頁面入面直接睇得返。全部交易確認咗之後，預設會喺一日後自動刪走原本 PDF（可以喺設定熄），你亦可以自己揀邊幾份即刻刪；刪咗之後再上載同一個 PDF 就會放返。刪除月結單就會連 PDF 一齊刪走。
- 成個網站經 HTTPS 加密連線。
- 密碼經雜湊儲存，我哋自己都睇唔到。
邊個睇到
- 經朋友邀請註冊，邀請你嘅人只會見到有幾多位朋友註冊咗、完成咗新手設定、上載咗第一份月結單，唔會見到你嘅戶口、交易或者金額。
讀唔到你間銀行嘅話
- 上載嗰陣我哋就知讀唔讀到。讀唔到嘅月結單，你撳咗同意先會留低做研究；留低之前會遮蔽認得出嘅個人識別資料，即係姓名、地址、戶口號碼、卡號、證件號碼、電話、電郵同轉賬對方名稱，金額、日期同商戶名稱會保留。研究版本最多留 6 個月，你隨時可以撤回；支援到你間銀行就會電郵通知你一次。
你隨時可以
- 刪除月結單會連 PDF 一齊刪走。